Pugiata in an basìn
stricata da tri lagh
tra 'l verd a dla campagna
ad tiri ancora fià.
'L é vera che d'invèran
gh è sempar la fümana
ma té t'armagni bèla
e mé ad pos mia lasà.

A Mantua voi dedicà 'sta puesia
parchè la senti cume casa mia.
L'è ancór vestìda cume sent an fa
li modi la testa la gh ha mia cambià.
A Mantua ariva tanti furaster
parchè i véd ch'la gh ha an coer sincer.
Tra i vìcui e li cuntradi adli soe cà
as proeva na sensasiun ad libertà.

Li faci at i a cunósi
i è quasi sempar quéli
't at fermi sóta i portach
a far na bagulada.
L'è ancóra na cità
ch'a n'an fa mia paüra
li robi ch'a süced
i é quéli da paes.

A Mantua ad cat 'n amich ogni cantun
na man sa' t gh è ad bisogn it dà dabun.
La storia an ségn marcà ché l'ha lasà
atenti d'andàral mia a cancelà.
La storia an ségn marcà ché l'ha lasà
atenti d'andàral mia a cancelà.